James at Nadine sa malamig na lugar nag-anniversary
First anniversary naman nina James Reid at Nadine Lustre last Feb. 11. Sa kanyang Instagram account ay binati ng aktor ang girlfriend at napakaraming JaDine fans ang kinilig.
Unang post ni James noong Feb. 11 ay larawan niya na hawak ang picture ni Nadine. Sa caption ay nakalagay na: “She’s all I see”.
Pangalawang post ni James ay larawan nila ni Nadine at may caption na “Happy 1st, love”.
May short video clip din na ibinahagi si James sa kanyang Instagram stories kung saan ay makikitang may hawak siyang tatlong red balloons na tila ibibigay kay Nadine na busy sa paghahanda ng pagkain. Sa video ay maririnig na sinasabi ni James na “thanks love”.
Sa huling panayam ng JaDine sa ABS-CBN, sinabi ni Nadine na sa Japan sila magdiriwang ng kanilang first anniversary and as we write, ang alam namin ay nakaalis na sila.
Relasyon nina Jessy at Luis hindi natibag
Jessy Mendiola and Luis Manzano are celebrating their first Valentine’s Day this year as a couple at ayon sa aktres, magda-diving lang sila.
Noon pa ay isa na sa hobbies ni Luis ang diving na kinahihiligan na rin ni Jessy ngayon, obviously because of him.
Nakaplano na raw na magpupunta sila sa beach para mag-diving.
“’Yun (diving) lang naman ang ginagawa namin kasi busy siya ngayon, so nag-plan lang kami ng mabilisang celebration and saan pa ba ang pinakamalapit, eh beach ang hilig namin, eh. So, ‘yung malapit lang, sa Anilao lang kami,” sey ni Jessy when interviewed by some reporters sa recent contract signing niya with ABS-CBN.
May naka-ready na rin ba siyang Valentine gift para kay Luis?
“Meron, pero feeling ko, male-late nang konti, kasi in-order ko pa ‘yun, eh. Isi-ship pa lang,” natatawa niyang sambit.
“Pero secret na lang muna, baka malaman n’yo, eh. Basta, favorite niya ‘yun.”
Paano niya ide-describe ang relationship nila ni Luis ngayon?
“Happy kami. ‘Yun naman. Halata ba?” natatawa pa niyang sagot.
Paano niya nasabing happy?
“Hindi, happy talaga. Siya, sobrang busy niya right now, ang dami niyang blessings na dumadating, and kasi kung baga, para sa akin, ‘pag nakikita mo ‘yung tao na nag-i-inspire sa ‘yo na masaya at saka very hardworking, nakakatuwa.
“Parang ang sarap lang sa feeling na happy siya, happy ako, happy lahat,” natatawa pa niyang sey.
Masaya rin si Jessy na finally ay may peace and quiet na raw sila ni Luis ngayon unlike last year na ang daming intriga, bashers, negative comments, etcetera.
“Finally. Parang iniwan na namin lahat last year. Kung baga, new start, new year and new goals.”
Affected pa rin ba siya pag may nagko-comment na hindi maganda?
“Sa ngayon, para ng hindi na masyado. Pero of course, mayroon pa rin ‘yung ‘Hay, meron pa rin.’ Pero ‘di ba, parang wala na rin, eh. Ganu’n naman lagi, eh. Ngayon, ikaw ang pag-uusapan, bukas hindi na.”
When asked kung sino ang mas romantic sa kanila ni Luis, sey ni Jessy, “siya, siya talaga. Mahilig siya sa surprises. Ako kasi, hindi. So, siya ‘yung mahilig na ‘pag may occasion o kaya celebration, laging siya ‘yung may surprise na may naka-set-up na, mayroon nang regalo, ganu’n siya.”
Samantala, ani Jessy, for now ay she’s taking a short break dahil nasa planning stage pa lang ang lahat ng projects.
“Siguro for now, nag-uusap-usap pa lang kung ano’ng projects kasi last year was a bit jampacked. So, pahinga lang muna ako ngayon.”
Hindi pa raw niya alam kung aalis siya for a vacation but sa ngayon, gusto raw muna niyang tapusin ang kanyang advanced diving course na tine-take.
- Latest
