बुद्ध एयरले आफ्ना चालक दलका सदस्यलाई एयरपोर्ट भित्र आउजाउको लागि चल्ने सवारी साधनलाई सहज ढंगले पेट्रोल, डिजेल आपूर्ति भएमा हामी रात्री उडान गर्न समेत तयार रहेको स्पष्ट पारेको छ। सेतोपाटीमा शुक्रबार ‘दसैंमा आन्तरिक उडानलाई इन्धनले समस्या नहुने, टिकट पाउनै मुस्किल’ समाचार प्रति ध्यानाकर्षण भएको भन्दै बुद्ध एयरले उक्त घोषणा गरेको हो।
‘हवाई ईन्धनको आपूर्ति भएतापनि एयरपोर्ट भित्र तथा बाहिर चालक दललाई आउजाउको लागि चल्ने सवारी साधनलाई सहज ढंगले पेट्रोल, डिजेल आपूर्ति भएमा हामी रात्री उडान गर्न समेत तयार छौं,’ उसले भनेको छ,‘यसका लागि हामी ४ हजार सिट यात्रुलाई उपलब्ध गराउन सक्ने जानकारी पनि गराउन चाहन्छौं।’